Американинг ОceanGate компанияси Атлантика океанида "Титан" сувости кемаси ҳалокатга учрагач, барча илмий ва тижорат фаолиятини тўхтатаётганини маълум қилди.

Бу ҳақда компаниянинг расмий сайтида айтилган. “ОceanGatе барча тадқиқот ва тижорат операцияларини тўхтатди”, – дейилади баёнотда.

Эслатиб ўтамиз, ОceanGate бош директори 61 ёшли Стоктон Раш бошқа тўрт йўловчи билан бирга “Титан” бортида ҳалок бўлди. Йўловчилар британиялик-покистонлик тадбиркор 48 ёшли Шаҳзода Довуд ва унинг 19 ёшли ўғли Сулаймон, 58 ёшли британиялик тадбиркор Ҳамиш Хардинг ва 77 ёшли собиқ Франция денгиз флоти ғаввоси Пол-Генри Наргиоле бўлишган.

Стоктон Руш амбицияли тадқиқотчи ва денгизни кашф қилиш орзусига эришиш учун вақти-вақти билан қоидаларни бузадиган содиқ раҳбар сифатида обрў қозонди. Руш Титанда бир нечта муваффақиятли шўнғиш қилди, аммо у сувости кемасининг хавфсизлиги ҳақидаги огоҳлантиришларга эътибор бермаган.

• Kema
• Titanik