“Facebook” ижтимоий тармоғида фойдаланувчилардан бири математик мисол акс этган суратни ўз саҳифасига жойлаштириб, бошқаларни уни ечишга таклиф қилди. Кўринишидан оддий туюлган бу бошқотирма фойдаланучиларни иккита турли жавобни илгари сураётган иккита катта гуруҳга ажратди: Уларнинг жавоби – 1 ва 4.

Орадан ҳеч қанча вақт ўтмасдан, фойдаланувчилар қайси жавоб тўғри ва нима учун эканлиги ҳақида баҳслаша бошлашди. Сўнгра муаллиф саҳифасиддаги бу мунозара давомида 60 000 дан ортиқ изоҳлар ёзилди.

Бу ерда тортишувнинг асоси ёзилиш шакли ва ҳаракатлар кетма-кетлиги эди. Бир ҳолатда, қавс устунлик қилади ва якунда жавоб “1” бўлади. Иккинчисида, айиришдан сўнг, одамлар чапдан ўнгга амалларни дарҳол бажаришни бошлайдилар, натижада “4” жавоби ҳосил бўлади.

Дарҳақиқат, ушбу фотосурат Интернетда бир йилдан кўпроқ вақт давомида тарқалди ва энди у яна муҳокама қилинмоқда. Шунга ўхшаш мисоллар доимо пайдо бўлади, фақат рақамлар фарқ қилади, аммо моҳияти бир хил – фақатгина процедура (жараён) бўйича баҳслар давом этади холос.

Суратдан маълум бўлишича, муаллиф франциялик фойдаланувчи бўлиши мумкин. Чунки созланган тил шунга ишора қилмоқда.

Қайд этиш мумкин, америкалик миллиардер Марк Цукерберг асос солган ижтимоий тармоқ “Мета” корпорацияси таркибига киритилган.

2022 йил июль ойида “Facebook” 2 миллиард 934 миллион фаол фойдаланувчиларга эга бўлиб, у ижтимоий медиа платформалар рейтингида 1-ўринни эгаллади.

Бироқ, компаниянинг энг сўнгги инвестор даромадлари ҳисоботида эълон қилинган маълумотлар шуни кўрсатадики, “Facebook”нинг ойлик фаол фойдаланувчилари сўнгги уч ой ичида бироз пасайган.

2022-йил июлига қадар Фаcебоок фойдаланувчилари сони тахминан 2 миллионга (-0,07 фоиз) камайди.

Ушбу сўнгги рақамлар бугунги кунда Ер юзидаги барча одамларнинг тахминан 36,8 фоизи “Facebook”дан фойдаланишини кўрсатади.

Мета томонидан эълон қилинган 2021 йилги молиявий ҳисоботига кўра, “Facebook”нинг 2021 йилда рекламадан тушган даромади 115 миллиард долларни ташкил этиб, тарихда биринчи марта 100 миллиард долларлик чегарадан ўтди. Бу аввалги йилга нисбатан қарийб 31 миллиард долларга кўп ва йиллик ўсиш 36,6 фоизни ташкил этади.

• Bosh miya
• Facebook
• Цукерберг
• илм-фан
• қизиқарли