Американинг “Lonestar Data Holdings” компанияси Ойдаги ерости лава найчаларида инсон маълумотларини сақлашни режалаштирмоқда. Бу глобал фалокат юз берган тақдирда Ердаги маълумотларнинг энг муҳим ва қимматли захира нусхаси бўлади.

“Биз энг қимматли бойликларимизни, билимларимизни ва маълумотларимизни Ерда сақлашимиз ва у ерда бомбаларни портлатиб, нарсаларни ёқиб юборишимиз менга тушунарсиз. Биз ўз активларимизни сайёрамиздан хавфсиз жойда сақлашимиз керак”, –дейди “Lonestar” асосчиси ва бош директори Кристофер Стотт

Скотт сақлашнинг бахтсиз мисоли сифатида “Қиёмат омбори” номи билан танилган “Svalbard Global Seed” омборини келтирди. У ерда 130 метр чуқурликда Ернинг асосий қишлоқ хўжалиги экинлари уруғларининг намуналари сақланади. Тизим мукаммал эмаслиги аллақачон маълум бўлган – 2017 йилда ушбу бункер иқлим ўзгариши туфайли эриган сув билан тўлиб тошган.

Ҳозирга қадар “Lonestar” Ойда маълумотлар маркази бўйича дастлабки иккита миссия учун шартнома имзолаган. Унинг асосий ғояси шундаки, сунъий йўлдошдаги серверлар Ер билан алоқа ўрнатиши, шунингдек, одамлар кўп йиллар давомида йўқотишни истамайдиган маълумотларни сақлаши мумкин.

Қайд этиш мумкин, Ойдаги ҳароратнинг 106 даража иссиқликдан -183 даража совуққача ўзгариши каби аниқ муаммолардан ташқари, сунъий йўлдош ўз сиртини Ер атмосфераси каби космик нурланишдан ҳимоя қилмаслигини ҳисобга олиш керак. Шунинг учун улар маълумотлар марказини лава найчаларига жойлаштиришни хоҳлашади. 

Лава найчалари ёки туннеллар лава оқимларидаги бўшлиқлар бўлиб, коридорлар шаклида чўзилган. Улар базаларни қуриш ва Ойни мустамлака қилишни бошлаш учун энг яхши жой, деб ҳисобланади. Ушбу қувурларнинг узунлиги юзлаб метр ва қалинлиги 10 метрдан ортиқ бўлиши мумкин, бу эса анча барқарор ҳароратни таъминлайди ва шунингдек, нурланишлардан ҳимоя қилади.

“Lonestar” ушбу хизмат билан шуғулланишни истайдиган ягона компания эмас. Италия космик агентлиги NASA’га тегишли “Артемида” дастурининг бир қисми бўлган “Thales Alenia Space” компаниясига Ойдаги маълумотлар марказлари учун таклифлар тайёрлашни топширган.
 

• НАСА
• Oy tutilishi