Хитойлик олимлар Ой тупроғидан вулқон фаоллиги изларини топишди. Мутахассислар шакли, ранги ва бошқа жиҳатлари билан бир-биридан фарқланувчи минералларни "Чанъэ-5" зонди ёрдамида қўлга киритишган.  

Олимларнинг айтишларича, минераллар "Бўронлар океани"га Ойнинг бошқа ҳудудидан келиб қолган. Улар Ернинг табиий йўлдошига астероид келиб урилиши натижасида юза қисмидан ажралган бўлиши ҳам мумкин.

Кимёвий таҳлиллар айрим минералларда вулқон фаоллиги излари борлигини кўрсатган. Таъкидлаш керакки, уларнинг кимёвий таркиби олимларга маълум бўлган вулқон регалитларига хос эмас.

Тадқиқотчилар келгусида Ойдан бу каби намуналарни такрор топиш, вулқонларнинг айнан қаерга жойлашганини аниқлашга умид боғламоқдалар.

• Коинот
• илм-фан
• kosmos
• тадқиқот