АҚШда “Олтин малина” антимукофоти “ғолиблар”и аниқланди. Мукофотга “сазовор” бўлган ижодкорлар исми махсус ролик орқали эълон қилинди ва ушбу ролик YouTube платформасига жойлаштирилди.

Голливуд юлдузи Жаред Лето “Морбиус” фильмидаги роли учун “Йилнинг энг ёмон актёри” деб топилган бўлса, “Иккинчи пландаги энг ёмон актёр” номинациясидаги “ғолиблик” Том Хэнксга “насиб этди”. Актриса Ана де Армас иштирокидаги ва Голливуд афсонаси Мэрилин Монро ҳаёти ҳақида ҳикоя қилувчи “Малласоч” фильми бир эмас, икки номинацияда – “Энг ёмон фильм” ва “Энг ёмон сценарий” йўналишларида антимукофотга “сазовор бўлди”.  

Machine Gun Kelly ва Mod Sun “Хайрли мотам” фильми учун “Йилнинг энг ёмон режиссёрлари” деб эълон қилинди.

Маълумот учун, “Олтин малина” мукофоти лауреатлари ҳар йили 12 март санасида, “Оскар” мукофотининг тақдирлаш маросимидан бироз аввалроқ эълон қилинади ва йилнинг энг муваффақиятсиз лойиҳаларига топшириб келинади.

• Кино
• Мукофот
• машҳурлар