Ўқиш билан боғлиқ одатлар. Одатларни шакллантириш усулларидан бири - керакли янги хулқ-атворни аллақачон таниш бўлган хатти-ҳаракатлар билан боғлашдир. Масалан, сиз ҳар куни 10 тадан янги сўз ёдламоқчи бўлсангиз, уни севимли машғулотларингиз билан бирга бажаришингиз керак. Айтайлик, кун давомида оддий чой ичиш вақтида ҳам янги луғатлар ёдлаш мумкин.

Ижтимоий тармоқдан фойдаланиш одатлари. Ижтимоий тармоққа қарамликни камайтиришнинг энг осон йўли телефонингиздаги билдиришномаларни ўчиришдир. Бундан ташқари, сиз ижтимоий тармоқлардан фойдаланиш, электрон почтани текшириш ва янгиликлар сайтларига кириш вақтини режалаштириб олишингиз мумкин.

Спорт билан боғлиқ одатлар. Агар сиз ҳозир умуман машқ қилмасангиз, янги одатни шакллантириш учун икки дақиқалик қоидани синаб кўринг. Бу ҳар куни атиги икки дақиқа давомида янги амални бажаришингиз кераклигидан иборат. Ҳаракат одатий ҳолга келгунча буни такрорланг. Айтайлик, сиз ҳар куни эрталаб соат 8 да 2 дақиқа машқ қилишни мақсад қилиб қўйишингиз мумкин. Буни доимий қилишни бошлаганингизда машқлар давомийлигини беш дақиқага, кейин 10, 20 ва ҳоказоларга оширинг.

• Спорт
• Таълим