28 январь куни маҳаллий вақт билан соат 22:33 да Озарбайжоннинг “Азал” авиакомпаниясининг самолёти Урганчга келиб қўнди. Боку – Урганч – Боку янги парвоз йўналишини очган бортида 99 нафар йўловчиси бўлган Аирбус А319 самолёти анъанага кўра тантанали равишда кутиб олинди. Мунтазам рейслар ҳафтада бир марта – шанба кунлари амалга оширилиши режалаштирилган.

Эслатиб ўтамиз, Урганч Озарбайжон авиаташувчиси парвоз қила бошлаган Ўзбекистондаги тўртинчи шаҳар бўлди. Бокудан Тошкентга рейслар ҳафтасига икки марта – пайшанба ва якшанба кунлари мунтазам равишда амалга оширилади. Бокудан Самарқандга – сешанба ва пайшанба кунлари. Бокудан Фарғонага – пайшанба кунлари.

1992 йилда ташкил этилган Озарбайжон Ҳаво Йўллари (Азал) авиакомпанияси йирик авиаташувчи бўлиб, Боеинг ва Аирбус самолётларининг замонавий паркига эга бўлган МДҲ мамлакатлари авиация ҳамжамиятидаги етакчилардан бири ҳисобланади.

• Авиақатнов
• Озарбайжон
• Urganch