Британия медиа корпорациясининг маълум қилишича, Озарбайжон ҳукумати ББCнинг мамлакатдаги фаолиятини тўхтатишни талаб қилган.

BBC компанияси Ташқи ишлар вазирлигидан оғзаки буйруқ олганидан кейин Озарбайжондаги офисини ёпиш тўғрисидаги “қийин қарор”ни қабул қилишга мажбур бўлган.

“Биз Озарбайжон ва ундан ташқаридаги воқеаларни томошабинларимиз учун ёритиш бўйича ишимизни қийинлаштирадиган матбуот эркинлигини чеклашдан чуқур афсусдамиз”, – дейди BBC вакили.

Маълумот ўрнида, BBC 1994 йилдан бери Озарбайжонда ишлайди. Media корпорацияси маълумотларига кўра, унинг Озарбайжон хизматининг ҳафталик қамрови ўртача 1 миллион кишини ташкил этган.

• Озарбайжон