Тошкентнинг «Пахтакор» клуби икки нафар футболчини ўз сафига қўшиб олганини эълон қилди.

Ўнг қанот ҳимоя ва ярим ҳимоясида ўйнайдиган Дилшод Саитов фаолиятини «Шерлар» сафида давом эттирадиган бўлди.

Тез орада 24 ёшга тўладиган ҳимоячи ҳозирга қадар «Насаф» шарафини ҳимоя қилган. Суперлигада 106 ўйинда 11 гол муаллифи бўлган.

Чемпионлар Лигасида эса 14 баҳсда майдонга тушган. Футболчи ва клуб ўртасида уч йиллик шартномага имзо чекилди. У эркин агент сифатида Тошкент клубига кўчиб ўтди.

Шунингдек, фаолияти давомида Грузиянинг «Динамо Тбилиси» ва «Дила», Кипрнинг «Неа Саламис» ва Ўзбекистонда АГМК клубларида ўйнаган Гиорги Папава ҳам «Пахтакор» аъзосига айланди.

Футболчи юқори лигаларда 242 ўйинда майдонга тушиб, 7 гол муаллифига айланган. Еврокубокларда 19 учрашувда 1 тўп киритган.

«Динамо» Тбилиси билан жамоа сардори сифатида 4 карра Грузия чемпиони бўлган.

• Футбол
• Пахтакор
• Трансферлар