Владимир Путин Саудия Арабистони валиаҳд шаҳзодаси ва Вазирлар кенгаши раиси Муҳаммад бин Салмон Ол Сауд билан музокаралар ўтказиш учун чоршанба куни расмий ташриф билан Саудия Арабистонига борди.

Айнан шу ташриф чоғида Путин ва валиаҳд шаҳзоданинг илиқ кайфиятда қўл бериб саломлашгани кўпгина Европа нашрларининг эътиборига тушди. Негаки, ушбу ташрифдан бир кун аввал Владимир Путин Кремлда Европанинг бир қанча юқори мартабали дипломатларига ишонч ёрлиқларини топширган эди. Бироқ Путин расмий маросимидан сўнг, Москвадаги хорижий дипломатлар билан мулоқот қилишдан бош тортган. Бу элчилар орасида Буюк Британиянинг Москвадаги элчиси ҳам бўлган. Учрашувнинг рад этилишига санитария меъёрлари ва COVID тарқалиши хавфи сабаб қилиб кўрсатилган.

Шу сабабли Британиянинг Daily Mail газетаси Россия президентининг Яқин Шарққа ташрифи чоғида мезбонлар билан илиқ қўл бериб кўришганини кинояга олди.

• БАА
• Путин
• Россия