Бугун, 8 июль куни соат 14:10 ларда қутқарув хизматига Китоб тумани “Мустақиллик” МФЙ Шаҳрисабз кўчасида тўхтаб турган “Т-28” русумли (трактор) транспорт воситасида ёнғин содир бўлаётгани тўғрисида хабар келиб тушган.

Хабарга кўра, воқеа жойига 2 та ёнғин-қутқарув бўлинмаси жалб қилиниб, ёнғин 14:55 ларда тўлиқ ўчирилган. Ёнғин оқибатида трактор, унинг 3 та тиркамаси ва унга ортилган сомон боғламлари тўлиқ ёнган.

Ёнғин оқибатида тан жароҳати олганлар йўқ. Ҳозирда ёнғин сабаби ва зарари аниқланмоқда.

• ФВБ
• Qashqadaryo
• ёнғин