2019 йил 3 майдаги ПҚ-4306-сонли Президент қарорига биноан, қуйидаги 5 та халқаро олимпиада ғолибларига давлат ОТМларига тест синовисиз ва қўшимча имтиҳонсиз қабул қилиш имтиёзи берилади. Бу ҳақда Хушнудбек ўз саҳифасида маълум қилди.

·       Халқаро математика олимпиадаси – International Mathematical Olympiad (IMО)

·       Халқаро физика олимпиадаси - International Physics Olympiad (IPhО)

·       Халқаро кимё олимпиадаси - International Chemistry Olympiad (IChО)

·       Халқаро биология олимпиадаси - International Biology Olympiad (IBО)

·       Халқаро информатика олимпиадаси - International Olympiad in Informatics (IOI)

Бошқа олимпиадалар-чи?

Юқорида саналган 5 та халқаро олимпиададан бошқа барчасида ғолиб бўлган ўқувчиларга тест синовисиз ўқишга кириш ҳуқуқи берилмайди.

Масалан, асосий фан олимпиадаларининг республика босқичида 1, 2 ва 3-ўринларни эгаллаган иштирокчиларга давлат ОТМларига кириш имтиҳонларида мутахассислик фани бўйича максимал балл олиш ҳуқуқини берувчи ва уч йил муддат давомида амал қилувчи сертификат тақдим қилинади.

Бошқача айтганда, республика фан олимпиадасида совриндор бўлганларга ўша фандан максимал балл берилади холос. Масалан, кимё фанидан республикада кучли учликка кирса, кимё фанидан максимал бал берилади. Агар кимё 1-мутахассислик фани бўлса, унда 93 балл, агар 2-мутахассислик фани бўлса, унда 63 балл берилади. Бошқа фанларини ўзи ишлаши керак бўлади.

Информатика ва ахборот технологиялари фанидан республика фан олимпиадасида совриндор бўлган ўқувчиларга мутахассислик фани сифатида математикадан максимал балл берилади.

Жорий йилдан бошлаб, давлат гранти фақат 1 йилга берилиши,  ундан кейин ўзлаштиришига қараб тақсимланиши, имтиёз билан кирганларга эса 4 йил давомида (яъни тўлиқ ўқиш даврида) грант сақланиб қолиши эълон қилинганди.

Бундай ҳолда фақат 5 та халқаро фан олимпиадаси совриндорларига тўлиқ грант берилади. Республика ва бошқа халқаро фан олимпиадалари совриндорларига эса, агар етарли балл тўплаб грантга кира олса, унда 1 йиллик грант берилади. Қолган йилларда ўзлаштиришига қараб тақсимланади.

• ОТМ
• Qabul OTM