“Қозоғистоннинг Олмаота шаҳрида мушкул аҳволда қолган ватандошимиз Г.Р. ва унинг икки нафар вояга етмаган фарзандлари Ўзбекистон дипломатлари кўмагида мамлакатимизга олиб келинди”, – деб хабар қилмоқда “Дунё” ахборот агентлиги.

Мазкур инсонпарварлик кўмаги Ўзбекистонда 30 июлдан 30 августгача эълон қилинган “Ватанга қайтариш” хайрия акцияси доирасида амалга оширилган.

Дипломатлар Г.Р. ва унинг икки нафар вояга етмаган фарзандини Олмаота-Тошкент йўналишидаги авиақатнови билан Ўзбекистонга қайтарилган.

Г.Р. Ўзбекистонга қайтгандан сўнг Тошкент вилояти ҳокимлиги ҳамда Оила ва хотин-қизлар қўмитаси вилоят бўлими вакиллари томонидан Тошкент халқаро аэропортида кутиб олинган. Шунингдек, уларга психологик, моддий ва бошқа масалаларда зарур ёрдам кўрсатилмоқда.

• Ўзбекистонлик
• Қозоғистон
• fuqaro