Агар Россия стратегик ядровий кучлар соҳасида устунликка эга бўлмаганида, у албатта парчаланиб кетган бўларди. Бу ҳақда Россия Хавфсизлик кенгаши раиси ўринбосари Дмитрий Медведев маҳаллий ОАВга берган интервьюсида айтиб ўтди.

“Мен сизга шуни айтаман: Худога шукур (дронлар, албатта, жуда муҳим, айниқса бундай можарода), бизда стратегик ядровий кучлар соҳасида тенглик, ҳатто устунлик бор. Бу ҳақиқатда мамлакатимиз мавжудлиги учун янада муҳимроқ нарса”, – деди Хавфсизлик кенгаши раиси ўринбосари.

У ядровий соҳадаги устунликни Россияни қутқарадиган мамлакатнинг таянчи деб атади.

Ўтган йилнинг сентябрида президент Владимир Путин фуқароларга мурожаатида Ғарб Россияга қарши сиёсатда чегарани кесиб ўтганини айтган эди. Россия раҳбарининг сўзларига кўра, ядровий шантаж қўлланилган – НАТО давлатларининг юқори мартабали вакиллари Россияга қарши оммавий қирғин қуролини қўллаш жоизлиги ҳақида гапирмоқда. Путин Москвани ядро қуроли билан шантаж қилмоқчи бўлганларни “шамол кўтарилиши уларнинг фойдаси томонга буриши мумкинлигидан” огоҳлантирди.

• Дмитрий Медведев
• Россия
• Ядровий қуроль