Маълумотларга кўра, Россия давлат думаси депутати Яна Лантратова мактабларда 24 февраль кунини “махсус ҳарбий операция” (Украинадаги урушнинг бошланиши) бошланган кун сифатида нишонлашни таклиф қилди. Бу ҳақда “ТАSS” хабар берди.

Лантратовага кўра, шу куни ўқувчиларга урушнинг “сабаблари” ва “асосий воқеалар ривожи” бўйича маълумот берилади. Рус депутати таълим вазири Сергей Кравцовга тегишли сана бўйича “мактаб миқёсида тадбирлар” дастурини тайёрлашни таклиф қилди. Депутатнинг режасига кўра, 24 февраль куни ҳарбий хизматчилар мактабларга таклиф қилиниши ёки болаларга уруш ҳақидаги видеороликлар намойиш этилиши керак. “Коллектив Ғарб” мамлакатлари эса уруш воқеалари юзасидан “дезинформация ва қалбакилаштириш” тарқалишини кучайтирмоқда.

Лантратованинг сўзларига кўра, “Оммавий ахборот воситаларида “махсус ҳарбий операция”ни ватанпарварлик позициясидан ёритувчи материаллар танқислиги” кузатилмоқда, “коллектив Ғарб” мамлакатлари эса урушга оид хабарларда “дезинформация ва қалбакилаштириш”га йўл қўймоқда.

• Россия
• Украина