Украина президенти Володимир Зеленский Россия армиясининг халқаро мавқеси пастлаб кетганини айтги. Бу ҳақда у ўзининг Телеграм каналидаги ананавий кечки видеомурожатида айтиб ўтган.

“Биз ҳаво ҳужумидан мудофаани кучайтиришда давом этамиз. Аммо энди, ҳар ўнта зарба учун террорчилар камида торт баравар кўпроқ ракета сарфлашлари керак. Россия учувчисиз учоқлар, шу жумладан Эронлик шериклари томонидан етказиб берилганлар бўйича ҳам ёмонроқ натижага эришди.

Ва буни бутун дунё ҳам кузатмоқда. Кўриниб турибдики, собиқ “дунёнинг 2-рақамли армияси” ўз самарадорлиги бўйича энди ҳатто 22-чи ўринда ҳам эмас,”– дейилади Украина раҳбарининг видеомурожатида.

Шунингдек, Володимир Зеленский Россиянинг ҳар қандай қуроли Украинани забт эта олмаслигига ишонишини айтган.

“Россиялик террорчиларда Украинанинг маданиятли яшаш ва бир-бирига ғамхўрлик қилиш истагига зарба берадиган ракеталар йўқ. Россияга тегишли на армия, на террор, на бошқа нарса, Украинани забт эта олмайди”,– дейди Украина президенти.

• Россия
• Украина
• Зеленский
• armiya