Россия фавқулодда вазиятлар вазирлигининг Омск вилояти бўйича расмий маълумотларига кўра, қувуридан газ сизиб чиқиши туфайли портлаш содир бўлган. Ҳозир ҳудудда 18 та қутқарувчи ва 4 та техника ишлаётганлиги эълон қилинди.

Омск вилояти губернатори Виталий Хотсенко ўз Telegram каналида портлаш қувур линиясининг ер ости қисмида содир бўлганлигини маълум қилган. Ҳодисанинг асл сабаби мутахассислар воқеа жойини текшириб, ўт ўчирувчилар ёнғинни бартараф этгандан кейин аниқланади.

“Омск тумани ва минтақамизнинг бошқа аҳоли пунктларига ҳеч қандай таҳдид йўқ. Илтимос, хотиржам бўлинг ва фақат расмий маълумотларга ишонинг”, – деб ёзган губернатор ўз постида.

Омск вилояти тергов қўмитаси ёнғин фактлари бўйича терговга қадар текширув ўтказади. Терговчилар содир бўлган барча ҳолатларни текшириш ва аниқлаш учун воқеа жойига етиб борган.

Дастлабки маълумотларга кўра, портлаш оқибатида ҳеч ким зарар кўрмаган.

• Газ
• Россия
• portlash