31°
Кечаси 18°
Бозоров президент танқидидан сўнг 150 га яқин тадбиркор билан Афғонистонга борди
Фарғона вилояти ҳокими Хайрулло Бозоров президент танқидидан сўнг қарийб 150 нафар тадбиркор билан Афғонистонга ташриф буюрди. Делегацияга Бош вазир ўринбосари Жамшид Хўжаев ҳам ҳамроҳлик қилмоқда.
Ташриф давомида Афғонистон Савдо-саноат ва инвестициялар палатаси раҳбарияти билан савдо-иқтисодий ва инвестициявий ҳамкорликни кенгайтириш масалалари муҳокама қилинмоқда.
Томонлар Афғонистон бозорини ўрганиш, маҳаллий талабга мос маҳсулот ишлаб чиқариш, экспорт ҳажмини ошириш ҳамда тадбиркорлар ўртасида барқарор кооперация алоқаларини йўлга қўйишни режалаштирмоқда.
Шунингдек, Қобул ва Мозори Шариф шаҳарларида “Фарғона савдо уйи”ни ташкил этиш масаласи ҳам кун тартибидан ўрин олган.
Афғонистон томони маълумотига кўра, музокараларда 4 миллиард АҚШ долларидан ортиқ қийматдаги савдо битимлари, афғон экспорти учун имтиёзли божхона тарифлари ҳамда икки давлат ўртасидаги савдо айланмасини 5 миллиард долларга етказиш истиқболлари муҳокама қилинган.
Бундан ташқари, Қобул шаҳрида Ўзбекистон маҳсулотларининг доимий кўргазма зали расман очилди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
