Саида Мирзиёева 23 январь куни халқаро ҳамкорлар UNICEF, UNESCO, UNDP, IHRT, Жаҳон банки вакиллари билан учрашув ўтказди. Бу ҳақда у ўзининг Telegram каналида маълум қилди.

“Халқаро таълим куни арафасида мен Ўзбекистоннинг бу йўналишдаги ислоҳотлари самарасини, муваффақиятларини фахр билан эътироф этмоқчиман. Биз таълим — фаровонлик пойдевори эканига қатъий ишонамиз ва ҳар бир бола учун ўз салоҳиятини рўёбга чиқариш имкониятини таъминлашга интиламиз” - дейди Президент ёрдамчиси.

“Бугун халқаро ҳамкорларимиз — UNICEF, UNESCO, UNDP, IHRT, Жаҳон банки ва бошқалар билан муҳим учрашув ўтказдик. Мулоқот давомида таълим масаласига янги ёндашувларни — инновациялар, замонавий методикалар ва жаҳон тажрибасига асосланган ечимларни муҳокама қилдик” – дея таъкидланади хабарда.

• Ўзбекистон
• Саида Мирзиёева
• ЮНЕСКО