31°
Кечаси 18°
Жорий йилнинг 18 октябрь куни соат тахминан 11:00 ларда Тошкент вилояти Паркент тумани ҳудудидан ўтган автомобиль йўлининг 57-километрида йўл-транспорт ҳодисаси содир бўлган.
Ҳодисада 1986 йилда туғилган Х.Д. бошқарувидаги Cobalt русумли автомашина пиёдалар ўтиш жойидан югуриб ўтаётган 2016 йилда туғилган Ш.М.ни уриб юборган. Натижада пиёда тан жароҳатлари олиб, туман марказий шифохонасига ётқизилган. Бу ҳақда вилоят ЙҲХБ ахборот хизмати хабар берди.
“Ҳозирда унинг аҳволи яхши, даволанишда”, – дейилади хабарда.
Қўшимча қилинишича, ижтимоий тармоқларда бола ҳалок бўлгани ҳақида тарқатилаётган маълумотлар мутлақо асоссиз ва ҳақиқатга тўғри келмайди.
Шунингдек, ушбу ЙТҲда иштирокчи сифатида Damas русумли автомашина ҳайдовчиси, 1992 йилда туғилган К.Х. ҳам қайд этилган.
Ҳозирда ҳолат юзасидан Паркент тумани ИИБ масъул ходимлари томонидан терговга қадар текширув ҳаракатлари олиб борилмоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
