Хоразм вилоятида Президент қарорлари асосида амалга оширилаётган ижтимоий ривожланиш ишлари ўрганилмоқда.

Қайд этилишича, ҳудудда юздан ортиқ муаммоли масала қисқа муддатда ҳал этилган. Шунга қарамай, обектлар сони ва кўламидан қатъи назар, барча муаммоларни чуқур ва тизимли ўрганиш ишлари давом эттирилмоқда.

Хонқа туманида капитал таъмирга муҳтож 2-мактаб ҳамда қаровсиз қолиб, авария ҳолатига келган 49-мактабгача таълим муассасаси кўздан кечирилди.

Шунингдек, Давлат хореография академияси Урганч филиали фаолияти билан ҳам танишилди. Ҳозирда ўқув аудиториялари ва мактаб-интернат бир бинода жойлашган бўлиб, келгусида қўшимча бино қуриш орқали ҳар бир муассаса учун алоҳида ва тўлиқ шароит яратиш режалаштирилган.