Салвадор ҳукуматининг хабар беришича, ҳомиладор аёл ҳали туғилмаган боласини ўлдирганликда айбланиб қамоққа олинган. 38 ёшли она жорий йил 9-феврал куни озод этилди. Унга 30 йиллик қамоқ жазоси берилган эди.

Маълум қилинишича, 2011 йил июн ойида Салвадордаги шифохоналардан бирида Элси исмли аёл қорнидаги фарзандини аборт қилдирмоқчи бўлади. Бироқ, ушбу вазият бўйича фавқулодда ҳолат ходимлари хабар топади. Кейин у фарзандини ўлдиришда айбланиб озодликдан маҳрум этилади.

Айтиш жоизки, Салвадорда аборт қилдириш ҳар қандай шароитда, жумладан, қариндошлар ўртасидаги никоҳда, ҳатто ҳомила аёлнинг соғлигига хавф солаётган пайтда ҳам таъқиқланади.

Элсининг қамоқдан чиққанидан кейинги сурати ижтимоий тармоққа юкланди ва суд ишининг дастлабки қарорларига кўра, у тўлақонли айбсиз деб топилган.

“Биз Элсининг 10 йилдан сўнг озод этилганини нишонламоқчимиз. У фарзандини ўлдиришда айбланиб, 30 йилга озодликдан маҳрум қилинганди. Аммо бу нотўғри қарор эди. Биз қамоқдагиларни озодликка чиқариш учун тинимсиз курашамиз ва ҳеч қачон тўхтамаймиз”, дейди Морена Эррера исмли гуруҳ раҳбари.

Фуқароларнинг таъкидлашича, Элсининг қамоққа олиниши уни ўғлидан айрилишига сабаб бўлган. Энди Элси 10 йилдан сўнг, фарзандлари ва оиласи бағрига қайтади. 

Америка инсон ҳуқуқлари бўйича суди, салвадорларнинг аборт қилдиришга қарши қатъий қонунларини қоралади. 

• Аёллар
• Chaqaloq
• Жаҳон
• Salvador