Шаффофлик ва молиявий барқарорлик: сув соҳасидаги иқтисодий ва институционал бурилиш

Корхоналар ўзини-ўзи молиялаштирмаса ва тизимда шаффофлик бўлмаса, ҳар қандай соҳанинг ривожланиши қийинлашади. Президентнинг янги Фармони сув хўжалигини соғломлаштириш ва бозор иқтисодиёти қоидаларига ўтказишнинг шаффоф механизмларини белгилайди.

Цитата Давлат ва бизнес муносабатлари ҳамда тариф сиёсатида янги тартиблар ўрнатилмоқда:

- ​Ваколат алоҳида комиссияга ўтади: 2027 йилдан тарифларни тасдиқлаш ваколати Вазирлар Маҳкамаси ҳузуридаги Идоралараро тариф комиссиясига ўтказилади.

- ​Ягона ва бир хил тарифлар: Магистрал сув таъминоти учун ягона улгуржи тариф ва бюджет ташкилотлари учун республика бўйича бир хил тарифлар жорий этилади.

- ​«Ичимлик суви — 2030» стратегияси: Иқлим ўзгаришларига бардошли инфратузилма яратиш ва тизимни трансформация қилишни назарда тутувчи 2030 йилгача мўлжалланган Стратегия қабул қилинади.

- ​Карздорлик ва ҳисоб-китобда рақамли интеграция: Ҳисоблагичи йўқ истеъмолчилар билан ҳисоб-китоблар Кадастр, ФҲДЁ ва ИИВнинг электрон архив маълумотлари асосида автоматик амалга оширилади.

Бу чоралар соҳани коррупциядан холи, инвесторлар учун жозибадор ва бюджетга қарам бўлмаган шаффоф тизимга айлантиришнинг мустаҳкам пойдеворидир.