Ўзбекистонда ҳар куни ўртача 137 та оила ажрашмоқда

2026 йилнинг январь—июнь ойларида Ўзбекистонда 24 815 та никоҳ бекор қилинди. Бу ўтган йилнинг мос даврига нисбатан қарийб 1,5 мингтага кўп. Бу ҳақда Миллий статистика қўмитаси маълум қилди.

Ҳисоб-китобларга кўра, мамлакатда ҳар куни ўртача 137 та оила ажрашмоқда. Ҳар минг аҳолига тўғри келадиган ажримлар коэффициенти 1,3 промиллени ташкил этди.

Ҳудудлар кесимида энг кўп ажрим Тошкент шаҳрида — 3 222 та қайд этилган. Кейинги ўринларда Фарғона вилояти (2 676 та), Самарқанд вилояти (2 608 та), Андижон вилояти (2 471 та) ва Тошкент вилояти (2 334 та) жойлашган. Энг кам ажрим эса Навоий вилоятида — 673 та қайд этилди.

Шунингдек, ҳисобот даврида мамлакатда 92,3 мингта никоҳ рўйхатдан ўтказилган бўлиб, бу 2025 йилнинг шу даврига нисбатан 3 мингтага кам.

Статистикага кўра, ажримларнинг 60,1 фоизи шаҳарларда, 39,9 фоизи эса қишлоқ ҳудудларида қайд этилган.