Ўзбекистонда ярим йилда 2,3 мингга яқин ЙТҲ содир бўлди

2026 йилнинг январь–июнь ойларида Ўзбекистонда 2 286 та йўл-транспорт ҳодисаси қайд этилди. Бу ҳақда Миллий статистика қўмитаси маълум қилди.

Ушбу ЙТҲлар оқибатида жами 3 306 нафар фуқаро турли даражадаги тан жароҳати олди.

Ҳудудлар кесимида энг кўп йўл-транспорт ҳодисаси Тошкент шаҳрида — 420 та, ундан кейин Самарқанд вилоятида — 311 та ва Тошкент вилоятида — 271 та қайд этилган. Энг кам кўрсаткич эса Бухоро вилоятида — 48 тани ташкил этди.

Эслатиб ўтамиз, 21 июль куни Навоий вилоятидаги Мурунтов конида содир бўлган ЙТҲда БелАЗ юк машинаси пикапни босиб кетиши оқибатида 2 киши ҳалок бўлганди. Шунингдек, 16 июль куни Тошкент шаҳрида Onix автомобили ва ЙПХ мотоцикли иштирокидаги ЙТҲ оқибатида бир киши вафот этган эди.