Қаҳва саратон касаллигининг кимёпрофилактикасига расман киритилган. Бу ҳақда Россиялик шифокор Александр Мясников Жамоатчилик ахборот хизматига маълум қилди.

Шифокор бу ичимликнинг зарарли эмаслигини ва уни ҳар куни истеъмол қилиш кераклигини таъкидлаган. Мутахассиснинг сўзларига кўра, кофе азалдан турли касалликларни даволашда муҳим аҳамиятга эга бўлган. Улар артрит, диабет, аритмия, подагра ва Паркинсон касаллигининг ривожланиш хавфини камайтириш учун истеъмол қилинган.

Мясников, шунингдек, хитойлик олимлар томонидан олиб борилган тадқиқот маълумотларига ишора қилган. Улар 10 минг нафар кўнгиллини танлаб олдилар ва уларнинг жисмоний фаоллиги ва истеъмол қилган ичимлик миқдори ҳақида билиб олдилар. Тажриба 10 йил давом этган. Шундан сўнг, олимлар қаҳванинг инсон организмига фойдали таъсир кўрсатишини пайқашган.

Кунига икки ёки уч стакан ичиш антиоксидант ва яллиғланишга қарши хусусиятлари туфайли ҳаракатсиз турмуш тарзининг зарарли таъсирини бартараф этишга ёрдам беради. Бундан ташқари, қаҳва ичиш турли касалликлардан эрта ўлим хавфини камайтириши мумкин. Бироқ ичимлик барча касалликларни даволашга қодир эмас.

• Қаҳва
• Tavsiya