Хивада “Eco-schools Uzbekistan” лойиҳасининг асосий рамзи — Яшил байроқ тантанали равишда кўтарилди. Лойиҳа миллий оператори — Zamin фонди томонидан ўтказилган аудит якунларига кўра, 30 та мактаб дастурнинг энг фаол иштирокчиси сифатида эътироф этилди ва экологик таълим йўналишида халқаро даражада тан олинди.

Тадбирда Зироат Мирзиёева ўқувчиларни самимий табриклаб, уларни эришилган натижалар билан чекланиб қолмасликка чақирди. У ёшларнинг матонати ва Вatanga муҳаббати уларни табиатнинг ҳақиқий ҳимоячиларига айлантираётганини таъкидлади. Шунингдек, бу саъй-ҳаракатлар Бирлашган Миллатлар Ташкилотининг Барқарор ривожланиш мақсадларига эришишда муҳим аҳамият касб этаётгани қайд этилди.

Байрам доирасида ўқувчилар учун соғлом овқатланиш мавзусида маҳорат дарслари ҳам ташкил этилди. Халқаро тоифадаги ошпаз ва мутахассислар болаларга мувозанатли рацион ва тўғри овқатланиш одатларини шакллантириш бўйича амалий тавсиялар берди.

Шунингдек, FAOнинг Ўзбекистондаги ваколатхонаси томонидан ўқувчилар, бошланғич синф ўқитувчилари ҳамда мактаб ошхона ходимлари учун мўлжалланган услубий қўлланмалар тақдим этилди. Ушбу материаллар келгусида республика бўйлаб ўтказиладиган тренинглар учун асос бўлиб хизмат қилади.

лойиҳа ёш авлодда экологик маданиятни шакллантириш ва соғлом турмуш тарзини тарғиб этишга қаратилган муҳим ташаббус сифатида баҳоланмоқда.