2014-йилги Қрим воқеаларидан кейин SWIFT халқаро молия тизими сиёсий босим остида ҳаракат қилишдан бош тортишини, лекин Европа қонунларига бўйсунишини таъкидлаган. Бу ҳақда “Reuters” хабар берди.

Қайд этилишича, SWIFT Европа Иттифоқи, Буюк Британия, АҚШ ва Канаданинг санкцияларига мувофиқ Россия банкларини ёпишга тайёрланаётганини маълум қилган. 

“Биз Европа расмийлари билан янги чора-тадбирлар қўлланадиган ташкилотлар ҳақида маълумот олиш учун ишлаяпмиз ва уларга ҳуқуқий кўрсатмаларга мувофиқ амал қилишга тайёрланяпмиз”, – дейилади SWIFT баёнотида. 

Тизим расмийлари бу нейтрал глобал кооператив эканлигини таъкидлаган. Унинг аъзолари 200 та давлатни ифодалайди, бироқ SWIFT рўйхатдан ўтган Европа Иттифоқи ва Белгия қонунларига бўйсуниши шарт.

Маълум қилинишича, Россияни SWIFT тизимидан узиш масаласи 2014-йилда Қрим Россияга қўшиб олинганидан кейин ҳам кўтарилган эди. Ўшанда SWIFT махсус баёнот билан чиққан: яъни сиёсий босим натижасида ҳеч қандай молиявий институтларни ёпиш бўйича бир томонлама қарорлар қабул қилинмаслигини таъкидланган. 

SWIFT'дан узилиш Россияга қандай таъсир қилади?

“SWIFT'дан узилиш Россия савдосига зарба бўлиш айтилмоқда ва бу РФ компанияларининг бизнес юритишини қийинлаштиради”, – дея ёзган Reuters. 

Таъкидланишича, Россия халқаро молия тизимидан “қувиб чиқарилмоқда”. SWIFT молиявий маълумотлар ва ҳужжатларни алмашиш учун ишлатилади. Агар Россия банклари SWIFT'дан узилгач, чет эл банклари билан транзакцияни амалга ошириши керак бўлса, у телефон ва факсдан фойдаланишга мажбур бўлади.

Шунингдек, Ғарб давлатлари бугун, 27-феврал куни Россияга қарши янги санкциялар бўйича келишиб олди. АҚШ, Европа Иттифоқи давлатлари, Буюк Британия ва Канада қўшма баёнот билан чиқди. Улар Россиядан банкларни SWIFT'дан ўчиришга қарор қилди. 

Бундан ташқари, мамлакатлар Россия банкига чекловлар қўйишга келишиб олган. Халқаро заҳиралардан фойдаланишга йўл қўймаслик, унинг операцияларини “музлатиш” ва рубл курсини ушлаб туриш қобилиятини чеклашдан маҳрум қилмоқчи. 

Иттифоқчилар томонидан инвестиция йўли билан фуқаролик (“олтин паспортлар”) бериш амалиётини тўхтатиш ва санкциялар қўллаш бўйича ишчи гуруҳ тузилган. Кўрилган барча чоралар яқин кунларда кучга кириши кутилмоқда.

Жорий йилнинг феврал ойи ўрталарида молия вазири Антон Силуанов Россияда молиявий маълумотлар алмашинувининг бошқа усуллари мавжудлиги, масалан, Россия Банки томонидан бошқариладиган Молиявий хабарлар тизими (SPFS) ҳақида айтиб ўтган эди. У Ғарбнинг Россияга нисбатан санкциялар жорий этишига тайёр эканига ишончи комил эканини таъкидлаган эди.

Эслатиб ўтиш мумкин, Ғарб давлатлари Москванинг Донецк ва Луганск халқ республикалари мустақиллигини тан олиши, шунингдек, Украинадаги ҳарбий операцияга жавобан Россияга қарши қатор янги санкциялар жорий қилган эди. АҚШ Промсвязбанк кейинчалик ВТБ, Откритие, Сбербанк ва Алфа-Банкка қарши санкция жорий қилди.

• АҚШ
• Bank
• Россия
• SWIFT
• Сбербанк
• Украина
• Евроиттифоқ