Қозоғистоннинг Олмаота шаҳри полицияси жамоат жойида беҳаё хатти-ҳаракатлари акс этган видеоларни ижтимоий тармоқларга жойлаган қозоғистонлик блогер аёлга нисбатан текширув ўтказди.

Аниқланишича, А.А. Ўзбекистонда метрода кетаётиб, йўловчиларга намойишкорона тегажоғлик қилиб, видеотасвирга олиб, шахсий саҳифаларига жойлаштирган.

Унга нисбатан майда безорилик ҳолати бўйича маъмурий иш қўзғатилган ва материаллар судга юборилгани таъкидланмоқда.

Қайд қилинишича, аёл аввал ҳам шундай хатти-ҳаракатларга йўл қўйган ва у билан бу ҳақда профилактик суҳбат ўтказилган.

“Бироқ, кўриниб турибдики, у тўғри хулоса чиқармаган. Бундай хатти-ҳаракатлар ижтимоий ахлоққа ҳурматсизликнинг ифодаси бўлиб, белгиланган хулқ-атвор меъёрларини бузади”, – дейилади полиция хабарида.

Олмаота полицияси жамоат жойларида ахлоқсиз, провокацион ёки қадр-қимматни камситувчи хатти-ҳаракатларнинг ҳар қандай шаклига йўл қўйилмаслигини ва қонунга мувофиқ жавобгарликка тортилишини эслатди.

• Блогер
• Қозоғистон