Khaama Прессъга кўра, Тожикистон ҳукумати афғонистонлик қочқинларни, жумладан, яшаш рухсатномасига эга бўлган ва иммиграция бўйича аризаларининг кўриб чиқилишини кутаётганларни қўлга олиш ва депортация қилиш кампаниясини бошлаган.

“Сўнгги ҳафталарда Тожикистон хавфсизлик кучлари ҳар куни ўнлаб афғонистонликларни, асосан эркакларни ҳибсга олмоқда. Улар иш жойларидан олиб кетилмоқда, оила аъзолари эса бу ҳақда хабарсиз қолмоқда”, –дея хабар бермоқда Khaama Press.

Маълумотларга кўра, Тожикистонда 13 мингдан Афғонистон фуқароси истиқомат қилади. Уларнинг аксарияти “Толибон” ҳаракати 2021 йилда Афғонистонда ҳокимиятга келгач, мамлакатдан қочган собиқ амалдорлар ва ҳарбийлардир.

“Тожикистоннинг афғонистонликларни оммавий равишда чиқариб юбориш ҳаракати минтақавий тенденциянинг бир қисми бўлиб, Эрон ва Покистон ҳукуматлари ҳам худди шундай чораларни кўрмоқда”, – дейилади Khaama Press хабарида.

• Афғонистон
• Депортация
• Тожикистон