Бугун Тошкент шаҳрида 10 март – Халқаро аёл судьялар кунига бағишланган тантанали байрам тадбири бўлиб ўтди. Тадбирда судьялар ҳамжамияти, суд фахрийлари, Хитой, Туркия, Озарбайжон, Қозоғистон ва Қирғизистондан ташриф буюрган аёл судьялар, халқаро ташкилотлар вакиллари иштирок этишди.

Таъкидлаш жоиз, Ўзбекистонда илк бор бир вақтнинг ўзида ўн нафар аёл судья давлат мукофотларига сазовор бўлди. Тасаввур қилиб кўриш учун шу пайтгача атиги 15 нафар аёл давлат мукофотларига сазовор бўлган холос.

Тадбирда Президент Администрацияси раҳбари Саида Мирзиёева ҳам иштирок этди ҳамда БМТ томонидан таъсис этилган “Халқаро аёл судьялар куни” муносабати билан аёл судьялар давлат мукофотлари билан тақдирлангани, буни қатъияти ва ҳалоллиги билан одил судловни амалга ошираётган инсонларга бўлган юксак ҳурмат ифодаси, деб билишини маълум қилган.

Эътиборлиси, мамлакатда аёлларнинг жамиятда ўз ўрнини топиши билан боғлиқ амалга оширилаётган ислоҳотлар натижасида сўнгги 10 йилда аёл судьялар сони 2 баробарга ошган.

• Саида Мирзиёева
• tadbir