Афғонистон ҳукумати Ички ишлар вазирлиги жамоат хавфсизлиги бўлинмаларидан бирига аёлларни хизматга қабул қила бошлади. Бу ҳақда “РИА Новости” хабар берди.

Вазирлик баёнотига кўра, айни пайтда мазкур бўлинмада 100 нафар хотин-қизлар хизмат қилиш учун ўқитилмоқда.

“Толибон” ҳаракати ўз вазифалари ҳақида расман изоҳ бермаган. Бироқ, экспертларнинг фикрига кўра, улар аёллар норозилигига қарши туриш учун ишлатилиши мумкин.

ОАВ маълумотларига кўра, август ойида толиблар аёллар митингини ҳавога ўқ узган ҳолда тарқатиб юборишган. Ўтган йилнинг сентябрь ойида Толибон аёллар намойишида кўздан ёш оқизувчи газ ишлатган.

Ички ишлар вазирлиги, шунингдек, полицияга ишга ёлланган аёллардан Афғонистон миллий полициясига қайтиш учун собиқ танишларини жалб этишни сўрамоқда.

Чунки “Толибон” ҳокимиятга келганидан сўнг, Афғонистон ҳуқуқ-тартибот идораларида аёл ходимлар сони кескин камайган.

2022 йилнинг ёзида Толибон аёлларга хавфсизлик кучларида ишлашга қисман рухсат берган эди.

• Афғонистон
• Аёллар
• Politsiya
• Толиблар
• harbiy xizmat