Жаҳон соғлиқни сақлаш ташкилотининг навбатдаги ҳисоботида келтирилишича, жорий йил 3-30 апрель кунлари дунё бўйича 2,8 миллион кишида коронавирус инфекцияси аниқланган. Уларнинг 17 минг нафардан ортиғи хасталик оқибатида ҳаётдан кўз юмган.
Таҳлилларга кўра, ўтган тўрт ҳафта ичида касалланиш кўрсаткичлари ундан аввалги 28 кунга нисбатан 17 фоизга, ўлим ҳолатлари эса 30 фоизга камайган.
Ушбу даврда энг кўп бемор рўйхатга олинган мамлакатлар сифатида АҚШ (392 минг), Жанубий Корея (330 минг), Япония (251 минг), Ҳиндистон (222 минг) ва Франция (197 минг нафар) қайд этилган.
Энг кўп ўлим ҳолатлари қайд этилган давлатлар қаторидан эса АҚШ (5 263), Бразилия (1 255) ҳамда Россия (993 нафар) ўрин олган.
Қайд этилишича, пандемия бошлангандан шу кунгача Ер юзида 765 миллион нафардан зиёд кишига COVID-19 ташхиси қўйилиб, улардан 7 миллион нафарга яқини вафот этган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!