Доналд Трамп Эрон раҳбарияти музокаралар ўтказишни сўраб, ўзига мурожаат қилганини билдирди. АҚШ президенти бу ҳақда кеча, 11 январь куни Air Force One самолёти бортида журналистларга маълум қилган.

“Эрон раҳбарлари қўнғироқ қилди. Улар музокара олиб боришни истайди. Учрашув ташкил этиляпти”, — деди Қўшма Штатлар раҳбари.

Шу билан бирга, Трамп “эҳтимол, учрашувга қадар биз ҳаракат қилишимизга тўғри келиши мумкин”, дея қўшимча қилган, аммо тафсилотларни тўлиқ баён қилмаган.

Эрон расмийлари ҳозирча АҚШ президентининг баёнотлари юзасидан изоҳ бергани йўқ.

HRANA ҳуқуқни ҳимоя қилувчи ташкилоти маълумотларига кўра, Эронда 28 декабрдан бери давом этаётган намойишлар вақтида 500 нафардан ортиқ киши ҳалок бўлган ва 10 600 нафардан зиёд одам ушланган.

• АҚШ
• Eron
• Музокара
• Трамп