Ўтган ҳафтада АҚШ Президенти Доналд Трамп ва Венесуэла Президенти Николас Мадуро телефон орқали гаплашган. Бу ҳақда New York Times хабар берди.

Қайд этилишича, суҳбат ҳафта охирида, АҚШ Давлат котиби Марко Рубио иштирокида бўлиб ўтган. Унинг  якунида ўртага АҚШда учрашиш масаласи кўндаланг қўйилган, аммо етакчилар учрашувини ўтказиш бўйича келишувга эришолмаган. 

Телефон суҳбати Давлат департаментининг “хорижий террористик ташкилот” деб эълон қилиш ҳақидаги қарори кучга киришидан бир неча кун олдин бўлиб ўтган. Гап “Қуёшлар картели” (Cартел de los Soles) ҳақида кетмоқда. АҚШ ушбу картелни Мадуро билан боғлайди. Каракас эса бунга жавобан АҚШни “ёлғон”да айблаган ва бундай картелнинг ўзи мавжуд эмаслигини билдирган. 

Бунгача Ахиос Трампнинг кескинлик ортиб бораётгани фонида Мадуро билан гаплашиш режаси ҳақида хабар берган эди. Манбаларнинг фикрича, бундай қарор АҚШнинг Венесуэлага ракета зарбалари ёки қуруқликдаги ҳарбий амалиётлари муқаррар эмаслигини англатиши мумкин.

• АҚШ
• Президент
• Telefon
• Венесуэла
• uchrashuv