АҚШ президенти Дональд Трамп Венесуэлада юз берган кучли зилзилалардан сўнг мамлакатга ёрдам кўрсатишга тайёр эканини маълум қилди. Бу ҳақда у Truth Social ижтимоий тармоғидаги саҳифасида ёзди.

Трампнинг таъкидлашича, қисқа вақт оралиғида содир бўлган икки кучли ер силкиниши кенг кўламли талафотларга сабаб бўлган.

«Венесуэланинг буюк халқини ларзага келтирган икки кучли зилзила жуда катта миқёсда бўлди ва кўплаб инсонлар ҳалок бўлишига олиб келди. АҚШ ёрдам беришга тайёр, буни хоҳлайди ва бунга қодир. Мен ҳукуматимизнинг барча идораларига тезкор чоралар кўришга тайёр туриш бўйича топшириқ бердим», — деб ёзган АҚШ раҳбари.

Шунингдек, Трамп зилзила оқибатида юзага келган вайронагарчиликлар ҳақидаги маълумотларни «тасалли бермайдиган» дея баҳолади.