Россия Украина билан музокараларни рад этмайди. Бироқ, Киев Масквага нореал ва номақбул шартларни илгари сурмоқда. Бу ҳақда Россия Федерацияси Ташқи ишлар вазири Сергей Лавров Индонезиянинг Бали шаҳрида бўлиб ўтаётган G20 саммитида айтиб ўтди.

“Зеленскийнинг G20даги нутқидан шундай хулоса келиб чиқадики, у Ғарбнинг Россия билан музокаралар бўйича ҳеч қандай маслаҳатига қулоқ солмайди. Россия Ғарб Зеленскийни интизомга солишдан манфаатдор эканлигининг аниқ далилларини кўрмоқчи. Россия Федерацияси Украина билан музокараларни рад этмаяпти. Барча муаммолар ҳар қандай музокараларни қатъиян рад этувчи ва бу вазиятда нореал ва номақбул бўлган шартларни илгари сураётган Украина томонида”,– дейди вазир G20 саммитида.

Шу билан бирга, Сергей Лавров G20 доирасида Франция президенти Эммануел Макрон ва Германия канцлери Олаф Шольц билан қисқа суҳбатлар ўтказган.

“Учинчи дунё давлатлари муаммони тинч йўл билан ҳал қилишга, келишувларга тезроқ эришишга чақирмоқда. Улар Украина бу жараённи секинлаштираётганини яхши билишади, у “Зеленский”бошқа нарсалар қатори Россия Федерацияси билан музокараларни қонун билан тақиқлаб қўйган. Шунинг учун музокаралар ҳақидаги саволни бизга берманг, яхшиси буни уларга бериш керак. Бугун мен президент Макрон ва канцлер Шольц билан шу масалада гаплашдим, - дея қўшимча қилди Лавров.

Эслатиб ўтамиз, аввалроқ Украина президенти Владимир Зеленский давлатлар ўртасида Минск келишувларидек сулҳга эришиш мумкин эмаслигини айтиб, тинчлик шартномаси бўйича музокараларни бошлаш учун ўнта талабни илгари сурган эди. Улар орасида Россия 1991 йилдаги харита бўйича Украина чегараларидан қўшинларини тўлиқ олиб чиқиши ҳам бор.

Маълумот учун, жорий йилнинг 30 сентябрь куни Володимир Зеленский Владимир Путин Россия президенти бўлса, Украина томони у билан музокара қилишдан бош тортишини маълум қилди. “Биз Россия билан мулоқотга тайёрмиз, лекин Россиянинг бошқа президенти билан”, деб тушунтирган эди ўшанда Зеленский.

Россия-Украина музокаралари май ойида тўхтатилган эди. Делегацияларнинг сўнгги юзма-юз учрашуви 29 март куни Истанбулда бўлиб ўтди.

• G20
• Лавров
• Музокара
• Россия
• Украина