“Украина Россия нефтининг ўз ҳудуди орқали Европага ўтишини тўхтатмоқчи. Ушбу қарор мамлакат Олий Радасида қабул қилинган ва бу Россия газини ташиш тўхтатилгандан кейинги қадам бўлиши мумкин”, – деб ёзади The Insider нашри.

Манбага кўра, Россия ҳар куни “Дружба” нефть қувуридан 20 миллион доллар ишлаб топади. Магистраль йўлдан фойдаланиш бўйича амалдаги шартнома 2019 йилда имзоланган ва 2029 йил охиригача амал қилиши керак. Аммо Киев буни кутилганидан эртароқ якунламоқчи. Европа мамлакатлари эса бу вазиятдан хавотирда.

Аввалроқ, Венгрия ташқи ишлар вазири Петер Сиярто Украина орқали газ транзитини тўхтатиш Европа учун оғир оқибатларга олиб келишини айтган эди. Унинг сўзларига кўра, ёқилғи нархи дарҳол 20 фоизга ошган ва бу иқтисодиётга катта зарба бўлади.

• Россия
• Украина
• нефть