UzAuto Motors компанияси ўз мижозларини яна бир бор огоҳ ва ҳушёр бўлишга чақирди. Компания учинчи шахслар томонидан тўлов қилинмаган автомобиль шартномаларини сотиб олмасликни сўрамоқда.

UzAuto Motors шартномани бошқа шахсга қайта расмийлаштириш мумкин эмаслиги ҳамда харид қилинган автомобиль фақат шартномада дастлаб кўрсатилган шахсга рўйхатдан ўтказилишини эслатиб ўтди.

Агар харидор бундай шартномаларни “сотиб олса”, кейинчалик автомобилни ўз номига қайта расмийлаштира олмаслик хавфи юқори. Шунингдек, агар автомобиль эгасининг яқин қариндошлари (турмуш ўртоғи, фарзандлари) сотишга рухсат беришдан бош тортган тақдирда уни қайта рўйхатдан ўтказиб бўлмаслиги маълум қилинди.

• General_Motors
• UzAutoMotors