NASA раҳбари Билл Нельсон Хитой ва АҚШ ўртасидаги космик пойгада Хитойнинг қўли баланд келадиган бўлса, у Ойдаги ҳудудларга даъвогарлик қилиши мумкинлигини айтиб ўтди.

Нельсоннинг фикрича, АҚШ айни вақтда Хитой билан янги космик пойгада беллашмоқда. Пойгада ғолиб бўлиш Хитойга Ой юзасидаги ресурсларга бой ҳудудларни эгаллаб олишга имкон беради.

"Биз космик пойгада иштирок этаётганимиз ҳақиқат. Уларнинг илмий изланишлар ниқоби остида Ойга етиб бормасликлари ҳақида қайғурганимиз маъқул. Улар Ойга етиб олгач, "Бу ерга яқинлашманг, биз бу ерга келиб бўлганмиз, бу ерлар бизники" деб айтишлари эҳтимолдан ҳоли эмас", – деди Нельсон.

NASA раҳбарининг таъкидлашича, АҚШ ўз астронавтларини 2025 йилда Ойга юборади. У Хитойнинг Ойни забт этишга йўналтирилган ҳаракатлари жадаллашиб қолганидан хавотирда эканлигини ҳам қўшимча қилган.

• АҚШ
• Коинот
• Хитой
• илм-фан
• kosmos
• қизиқарли