Яманлик муҳандис Ҳошим ал-Гаилий меҳмонхона-самолёт лойиҳасини тақдим этиб, барчани ҳайратга солди. У авиация саноатини бутунлай ўзгартириши мумкин бўлган “Sky Cruise” лойиҳаси устида иш олиб борган.

"Sky Cruise" – учар меҳмонхона бўлиб, у бир вақтнинг ўзида бортга 5000 кишини сиғдира олади. Учар кема ядровий синтезга асосланган 20 та ядровий двигатель билан ишлайди. Бу карбонад ангидрид муаммосини ҳал қилишга ёрдам беради.

Самолёт учувчи томонидан бошқарилмайди. Бошқарув учун сунъий интеллект жавоб беради.

Самолётда меҳмонлар учун замонавий лифтлар, савдо марказлари, кўнгилочар мажмуалар, спорт заллари, бассейнлар, ресторанлар, театр ва кинотеатрлар, музокара заллари хизмат қилади.

"Sky Cruise" меҳмонлари турбулентликни ҳис қилмайдилар. Тебраниш юзага келган ҳолатда сунъий интеллект уни автоматик равишда бартараф этади.

• Лойиҳа
• илм-фан
• ихтиро
• қизиқарли
• технология