Япониянинг Номаълум учар жисмлар (НУЖ) ни тадқиқ қилиш хусусий институти ўзга сайёраликларнинг ҳақиқатдан ҳам мавжуд эканлигини исботлаши мумкин бўлган 450 дан ортиқ далил тўплади.

Олимлари фото ва видеодалилларни оммага тақдим этишган. Маълум бўлишича, махсус компьютер дастурлари ёрдамида уларнинг сохта ёки ҳақиқий эканлиги текшириб кўрилган. Институт вакиллари далиллар орасидаги 125 та сурат ва 24 та видеоёзувда НУЖ акс этган деган хулосага келганлар.

"Кўриб турганингиздек, бу қушлар эмас. Биз катта эҳтимол билан ўзга сайёраликларни суратга олдик", дейди институт раҳбари Такехару Миками.

Суратларнинг бирида ликопча шаклидаги қора объектни аниқ кўриш мумкин. Видеоматериалларда у оч рангда кўзга ташланади. Институт томонидан тақдим этилган материалларнинг бирида эса учар объект оқ шар кўринишда намоён бўлган.

• Коинот
• Япония
• илм-фан
• kosmos
• тадқиқот