Бош прокуратура ҳузуридаги Департаментнинг Ангрен шаҳар бўлими ва бошқа ҳуқуқни муҳофаза қилувчи органлар ҳамкорлигида ўтказилган тезкор тадбирда фуқаро А.Я. фуқаро Т.Ф.га “Соғлом” МФЙ ҳудудидаги давлат захирасидаги 30 сотих ер майдонини сотишини ва уни кадастр идорасидаги танишлари орқали расмийлаштириб беришини ваъда қилиб, 55 000 АҚШ долларини олган вақтида ушланди.

Департаментнинг Ғиждувон тумани бўлими томонидан ўтказилган тезкор тадбирда “R.M.” фермер хўжалиги раҳбари Х.М. 45,6 гектар ер майдонининг 2,7 гектар қисмини 36 000 АҚШ доллари эвазига фуқаро У.А. номига расмийлаштириб беришни ваъда қилиб, 32 000 АҚШ долларини олган вақтида ушланди.

Департаментнинг Сурхондарё вилояти бошқармаси томонидан ўтказилган тадбирда Ангор туманидаги “J.Y.” фермер хўжалиги раҳбари П.Т. 7,7 гектар ер майдонини 800 млн сўм эвазига сотишни ваъда қилиб, олдиндан 520 млн сўмни фирибгарлик йўли билан олгани аниқланиб, қолган 280 млн сўмни олган вақтида ушланди.

Департаментнинг Фарғона вилояти бошқармаси томонидан ўтказилган тезкор тадбирда “D.B.” фермер хўжалиги раҳбари П.Т. 83,4 гектар ер майдонидан 39 гектарини фуқаро А.Я. номига расмийлаштириб беришни ваъда қилиб, 23 000 АҚШ долларини олган вақтида ушланди.

Департаментнинг Иштихон тумани бўлими томонидан ўтказилган тезкор тадбирда “Ch.Q.” фермер хўжалиги раҳбари А.Т. 6 гектар ер майдонини 360 млн сўм эвазига сотишни ва ҳужжатларни расмийлаштириб беришни ваъда қилиб, 200 млн сўмни олган вақтида ушланди.

Мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари олиб борилмоқда.