Украина президенти Володимир Зеленский Сурия етакчиси Башар ал-Ассадга қарши санкциялар киритди. Бу ҳақда президент девони сайтида эълон қилинган фармонда айтилади.

Асаднинг Украинадаги активлари музлатилади, савдо операциялари тўлиқ тўхтатилади, ресурслар транзити ва бошқа бир қатор чоралар кўрилади. Қайд этилишича, чекловлар 10 йил давомида амал қилади.

Аввалроқ Сурия президенти ўз мамлакати фуқароларининг аксарияти Россиянинг Украинада махсус ҳарбий операция ўтказишини қўллаб-қувватлашини маълум қилганди. Шунингдек, у можарода “Россия ғалаба қозонганида” янги – хавфсиз ва осойишта дунё пайдо бўлишини таъкидлади.

• Санкция
• Suriya
• Украина