“Liberal siyosatchi prezidentlik saylovlarining ikkinchi turida 53,60 foiz ovoz olib g‘alaba qozondi”, – deb xabar bermoqda Ruminiya OAV.

Uning raqibi Jorje Simion 46,40 foiz ovoz olgan. Simion saylov uchastkalaridan olingan dastlabki ma’lumotlarni rad etib, o‘zini g‘olib deb e’lon qilgan edi. Biroq keyinchalik u mag‘lubiyatini tan oldi va Danni g‘alaba bilan tabrikladi.

“Nikushor Dan saylovda g‘alaba qozondi, bu — ruminiya xalqining irodasi”, — deb yozdi Simion X ijtimoiy tarmog‘idagi sahifasida.

Ruminiyada prezidentlik saylovlarining birinchi turi 4-may kuni bo‘lib o‘tgandi. Unda Simion taxminan 41 foiz ovoz, Dan esa 20,99 foiz ovoz olgan edi. Ikkinchi turda saylovchilarning ishtiroki 64,72 foizni tashkil etdi, bu so‘nggi 30 yil ichida, kommunizm qulaganidan keyin o‘tkazilgan prezidentlik saylovlari orasida eng yuqori ko‘rsatkich bo‘ldi, deya xabar bermoqda Digi24 telekanali.

• Buxarest
• Prezident
• Ruminiya
• saylov