Turkiya va O‘zbekiston Ichki ishlar vazirliklari hamkorligida o‘tkazilgan tezkor tadbirlar natijasida odam savdosi jinoyatini sodir etganlikda ayblanib qidiruvda bo‘lgan Raxmatova Sanobar (1974-yilda tug‘ilgan, “Sonya” laqabi bilan tanilgan) O‘zbekistonga deportatsiya qilindi.

U 2013–2015-yillarda Bangkok shahrida fohishaxona tashkil etib, vatandosh ayollarni yuqori daromadli ish va’dasi bilan aldab, Qozog‘iston orqali Tailandga olib borib fohishalik qilishga majburlagan jinoiy guruh tarkibida faol ishtirok etganlikda ayblangan.

Mazkur shaxsning noqonuniy xatti-harakatlaridan jabrlangan fuqarolarni O‘zbekiston Respublikasi Ichki ishlar vazirligi yoki uning quyi tizimlariga, shuningdek, Istanbuldagi Bosh konsulxonaga murojaat qilishi so‘ralmoqda.

“Shu bilan birga, so‘nggi vaqtlarda firibgarlik holatlari bo‘yicha murojaatlar ko‘paygani sababli, fuqarolarimizni firibgarlarga aldanib qolmasliklarini va ogoh bo‘lishlarini so‘raymiz”, – deyiladi xabarda.

• Deportatsiya
• Fohishabozlik
• Tailand
• Turkiya