2024-yil 1-oktyabrdan boshlab Xitoyda ilm-fan va texnologiya sohasida ishlamoqchi bo‘lgan yosh xorijiy kadrlar uchun yangi “K” toifasidagi viza amaliyotga joriy etiladi. Ushbu qaror avgust oyida Xitoy Davlat kengashi tomonidan tasdiqlangan.

Yangi viza tizimi xalqaro ilmiy hamkorlikni kengaytirish, yosh mutaxassislar uchun imkoniyatlar yaratish va global aloqalarni mustahkamlashni maqsad qilgan. “K” vizasi ilgari amal qilgan 12 turdagi vizaga nisbatan ko‘proq imtiyozlarni o‘z ichiga oladi. Jumladan, Xitoyga kirish soni cheklanmaydi, vizaning amal qilish muddati uzaytiriladi va mamlakatda uzoqroq qolish huquqi beriladi.

Bu viza egalari ilmiy tadqiqotlar, ta’lim loyihalari, madaniy dasturlar va texnologik almashinuvlarda qatnashish bilan birga, Xitoyda o‘z startap yoki biznes loyihalarini ham yo‘lga qo‘yish imkoniyatiga ega bo‘ladi.

Eng muhim yangiliklardan biri — ariza topshirishda xitoylik tashkilotdan taklifnoma talab qilinmasligi. Bu esa hujjat topshirish jarayonini ancha soddalashtirib, ortiqcha byurokratik to‘siqlarni bartaraf etadi.

• Viza
• Xitoy