“Dunyo” axborot agentligi xabar berishicha, Dehlida joylashgan Jamiya Milliya Islomiya markaziy universiteti yangi o‘quv yilidan boshlab o‘zbek tili, adabiyoti va madaniyati yo‘nalishida to‘rt yillik bakalavriat dasturi ishga tushiriladi.

Uning bitiruvchilari Toshkent va Dehli o‘rtasidagi madaniy hamda iqtisodiy muloqotning asosiy vositachilari bo‘lishi kutilmoqda.

Ta’lim muassasida 2004-yildan buyon o‘zbek tili kurslari faoliyat yuritib kelayotgani, shu davrda yuzlab hind yoshlari mazkur kurslarni tamomlab, olingan bilimlarni turizm, biznes, diplomatiya va ilmiy tadqiqotlar sohalarida qo‘llayotgani ta’kidlandi.

Ma’lumot uchun Jamiya Milliya Islomiya 1920-yilda tashkil etilgan bo‘lib, Institutlarni reytinglash milliy tizimida mamlakatning eng yaxshi 3 ta oliy o‘quv yurti qatorida turadi, World University Rankings xalqaro reytingida esa 500 talikka kirgan. Universitetning ikkita o‘quv binosi o‘zbek olimlari va mutafakkirlariga bo‘lgan hurmat ramzi sifatida Abu Rayhon Beruniy va Abu Ali ibn Sino nomlari bilan ataladi.

• Bakalavr
• Hindiston
• Universitet