Milliy statistika qo‘mitasi ma’lumotlariga ko‘ra, 2025-yilda O‘zbekistonda 879 599 ta tug‘ilish qayd etilgan. Ushbu raqamlar mamlakatda demografik o‘sish barqaror davom etayotganini ko‘rsatadi.

Statistikaga nazar tashlansa, farzandli bo‘lganlarning asosiy qismi o‘rta yoshdagi erkaklarga to‘g‘ri keladi. Xususan, 25–39 yoshdagi otalar 718 798 ta tug‘ilish bilan yetakchilik qilmoqda. Shuningdek, 25 yoshgacha bo‘lgan otalar hissasiga 97 917 ta, 40–59 yoshdagilarga esa 62 246 ta tug‘ilish to‘g‘ri kelgan.

E’tiborlisi, katta yoshda ota bo‘lish holatlari ham qayd etilgan. Jumladan, 60 yosh va undan katta erkaklarning 638 nafar farzandli bo‘lgan bo‘lsa, 70 yoshdan oshgan erkaklar hisobiga 48 ta tug‘ilish to‘g‘ri kelmoqda.

• statistika
• tug'ilish