Joriy yil 10-fevral kuni Germaniyaning Emden shahridan chiqib ketgan va chorshanba kuni AQShning Rod-Aylend shtatiga yetib borishi kerak bo‘lgan kema Portugaliyaning Azor orollari yaqinida yonib ketdi.

Kecha, payshanba kuni 22 nafar ekipaj aʼzosi kemadan qutqarib olinganidan so‘ng, minglab transport vositalarini, jumladan 1100 ta Porsche‘ni olib ketayotgan ulkan yuk kemasi yonib ketdi va Azor qirg‘oqlari yaqinida cho‘kib ketdi.

Qayd etilishicha, yong‘in kemaning yuk bo‘limida sodir bo‘lgan.

Portugaliya hukumati bergan maʼlumotlarga ko‘ra, ekipaj aʼzolari vertolyot yordamida yaqin atrofdagi Faial oroliga olib borilgan. Qutqaruvchilar yoki ekipaj aʼzolaridan hech kim jabrlanmagan.

Qariyb 200 metr uzunlikda bo‘lgan mazkur yuk kemasi 60 000 tonnagacha yukka mo‘ljallangan bo‘lib, yong‘in oqibatida yetgan zarar miqdorini aniqlashning hozircha imkoni bo‘lmagan.

Avtomobil ishlab chiqaruvchi Volkswagen Group‘ning taxmin qilishcha, bortda 4000 ga yaqin avtomobil, jumladan, 189 ta Bentley bo‘lgan.

Porsche Cars‘ning Shimoliy Amerika bo‘yicha vakili tomonidan payshanba kuni kechqurun berilgan bayonotda kompaniyaning 1100 ta avtomobili bortda bo‘lganini, ammo transport vositalarining taqdiri nomaʼlumligini aytilgan. U o‘z avtomobilidan xavotirda bo‘lgan mijozlarni dilerlariga murojaat qilishga undagan.

“Biz Felicity Ace savdo kemasining 22 nafar ekipaj aʼzosining xavfsiz va sog‘lom ekanligi haqidagi xabardan so‘ng xursand bo‘ldik”, – deyiladi bayonotda.

Maʼlumot uchun, yong‘in AQSh bo‘ylab pandemiya tufayli kelib chiqqan avtomobillar taʼminoti zanjiridagi muammolar sharoitida isteʼmolchilar talabini qondirishga harakat qilinayotgan bir paytda sodir bo‘ldi.

• AQSh
• Avtomobil
• Xorij
• yong‘in